Forcat e policisë së Elbasanit kanë finalizuar në orët e fundit operacionin e koduar “Dinamo”, në kuadër të të cilit është sekuestruar një arsenal armësh dhe është arrestuar poseduesi.
Lajmin e bëjnë të ditur burime policore lokale, sipas të cilave në banesën e shtetasit Ëngjëll H., 62 vjeç janë gjetur: 1 armë zjarri automatike, model 56, kalibër 7.62 mm, me krëhër të vendosur në të me 29 copë fishekë; 1 armë zjarri pushkë, model 63, kalibër 7.62 mm, me krëhër të vendosur në të me 25 copë fishekë; 1 pushkë sportive shul, me krëhër të vendosur në të me 3 copë fishekë; 6 kuti me fishekë model 54, kalibër 7.62 mm, me nga 100 copë fishekë secila; 45 copë fishekë për pushkë sportive; 30 copë fishekë model 56, kalibër 7.62 mm; 173 copë fishekë model 54, kalibër 7.62 mm; 1 armë e ftohtë thikë; 131 kartëmonedha me prerje 1.000 lekë; 2 aparate telefoni të markave të ndryshme;
Nga hetimet e kryera ka rezultuar se 62-vjeçari kishte si qëllim t’i trafikonte armët dhe municionet. Ndaj dhe materialet hetimore i kanë kaluar prokurorisë së rrethit përkatës, në akuzës e “mbajtjes pa leje të armëve luftarake dhe municioneve”, si dhe “trafikimit” të tyre.
Kurti: I gëzohemi fort arritjes së Shqipërisë për hapjen e n...
Istogu përballet me skuadër çeke në raundin e tretë të Kupës...
Frederik Veseli transferohet tek kampioni i Shqipërisë
Apeli vërteton dënimin me burgim ndaj dy të miturve për vras...
Ndeshja me shumë gola, Kosova U17 ndalet me barazim nga Kaza...
Publikohet lista e kandidatëve që janë pranuar në konkursin ...